Besimi dhe provat
Underlying topic(s):
- This page is part of an ERW course: Internal Guidance, section Faith.
- By John Eagles, April 13, 2001.
- This is a translation into Albanian by Mario, from the English article Faith and tests by John Eagles.
Besimi është shkalla në të cilën ju keni një lidhje të mirë me Zotin. Sa më shumë të jeni rritur në jetën tuaj fetare, aq më shumë do të keni fituar besim. Besimi është si një fill, një tel ose një litar që ju lidh me Zotin. Sa më i vështirë të jetë misioni juaj, aq më të komplikuara janë situatat përreth jush, aq më e fortë duhet të jetë lidhja juaj me Zotin. Përmes besimit tuaj ju jeni të lidhur me Zotin. Nëse e humbisni lidhjen me Zotin, jeni të humbur. Do të ishte sikur ju të jeni një bimë pa rrënjë, ose një automobil pa gaz, ose një shtëpi pa themele. Nëse besimi juaj humbet, marrëdhënia juaj me Zotin prishet, dhe atëherë thjesht jeni plotësisht të humbur. Nëse do të dilnit me një varkë në oqeanin e gjerë në një udhëtim disa javësh, jeni të mençur nëse kontrolloni nëse varka juaj funksionon në kushtet më ekstreme. Ju e provoni varkën tuaj dhe të gjitha instrumentet mbi të përpara se të guxoni të shkoni në oqean. Në të njëjtën mënyrë, përpara se Zoti t'ju lejojë të bëni një detyrë të re, Zoti do ta vërë në provë besimin tuaj. Gjatë gjithë kohës në jetën tuaj fetare, besimi juaj është i vënë në provë. Sa e doni Zotin kur qëndroni pa burrë ose grua? Sa e doni Zotin nëse jeni pa ushqim? A qendron dashuria juaj për Zotin nëse Zoti ju kërkon të hiqni dorë nga kursimet tuaja financiare? A shkoni te Zoti kur babai juaj ose prindi restaurues ju trajton në mënyrë të ashpër? Ka shumë prova besimi. Nëse gjendeni në një provë besimi që ju është dhënë nga Zoti, nuk do ta dini se është një provë. Ju e gjeni veten në vështirësi dhe nuk e dini pse. Por më e rëndësishmja është se si i përgjigjeni asaj. A shkoni te Zoti me besim apo mban mëri ndaj Zotit, kjo është pyetja. Ti besosh Zotit apo të mos i besosh Zotit, kjo është pyetja. Ndoshta ju mendoni se e doni Zotin dhe se ju po jepni gjithçka për të përmbushur misionin tuaj, dhe krejt papritur, thuhen gjëra të këqija për ju në publik. A shkoni te Zoti në atë situatë, apo mërziteni dhe largoheni nga Zoti, kjo është pyetja. Jeta fetare është një jetë e të qënurit në provë. Supozoni se krejt papritur ju thuhet se keni humbur misionin tuaj. Kjo në të vërtetë është gjithmonë një provë e Zotit. Nëse e pranoni që e keni humbur misionin tuaj, atëherë do të humbni me të vërtetë misionin tuaj, por nëse e dini që misioni juaj ju është dhënë për gjithë përjetësinë, se misioni juaj është ngjitur tek ju ashtu siç ju përket dhe hunda juaj, atëherë ju e dini që nuk mund të pranoni që misioni t'ju hiqet. Ndoshta ju duhet të ndryshoni mënyrën tuaj të të vepruarit për të përmbushur misionin, por Zoti nuk do t'jua heqë ndonjëherë misionin tuaj. Të gjitha situatat e jetës së përditshme funksionojnë si prova besimi te Zoti. Fatkeqësisht, shumë njerëz dështojnë në këto prova besimi. Kur Luciferi iu afrua Evës, Zoti e pa këtë si një provë besimi për Evën. Nuk do të thotë që Zoti e dërgoi Luciferin për të testuar Adamin dhe Evën, por sepse Zoti u beson fëmijëve të tij Adamit dhe Evës, një situatë e tillë tundimi funksionon si një provë besimi. Eva duhej të dëshmonte se ajo do t'i bindej Urdhërit në këto rrethana të vështira. Zoti nuk ndërhyri në këtë provë. Zoti shpresonte dhe priste që Eva të vepronte si duhet. Kur Eva nuk veproi si duhet dhe ra nën Luciferin, Zoti besoi që Eva do të mësonte nga gabimet e saj. Kur Eva nuk mësoi në të vërtetë nga gabimet e saj, zemra e Zotit u thye, por gjithçka që Zoti mund të nxirrte si përfundim ishte se Eva nuk kishte arritur të kalonte provën e besimit. Pasi dikush dështon të kalojë një provë besimi, Zoti përpiqet ta ngrejë personin lart. Jo gjithmonë Zoti është i suksesshëm në këtë. Por, edhe pse zemra e Zotit u thye pas rënies së Adamit dhe Evës, dhe megjithëse Zoti nuk arriti ta rikthejë Adamin dhe Evën në zemrën e Zotit deri në ditën e sotme, Zoti nuk mund të injorojë rezultatin e provës së besimit në të cilën si Adami dhe Eva dështuan.
Të ketë besim, kjo është përgjegjësia e njeriut. Zoti nuk mund të ndërhyjë në këtë. Zoti duhet të na vër në provë, sepse Zoti duhet ta dijë nëse jemi në gjendje ta përmbushim misionin që Zoti dëshiron të na japë. Nëse dështojmë provën, atëherë nuk mund të përmbushim misionin që Zoti na ka dhënë. Nëse kalojmë një provë, atëherë Zoti mund të na japë misionin për të cilin jemi krijuar. Zoti mund të na lejojë të hyjmë pa rrezik në një fazë të re, pa u shqetësuar se mund të ndeshemi me situata që nuk mund t’i përballonim.
Të kemi besim, kjo është përgjegjësia jonë personale. Të na vër në provë, kjo është ajo që duhet të bëjë Zoti, sepse Zoti duhet ta dijë nëse ne e përmbushëm përgjegjësinë tonë dhe nëse jemi gati për fazën ose detyrën tjetër të jetës. Adami dhe Eva dështuan në provën e tyre të besimit, dhe Zoti ende po pret që ata të kalojnë testin e tyre të besimit dhe të arrijnë përsosmërinë individuale pasi t'i binden Urdhërit. Një ditë, Adami dhe Eva do ta kalojnë provën e besimit. Zoti e di që kjo do të ndodhë, por Zoti nuk mund ta detyrojë Adamin ose Evën ose ju ose mua të bëjmë atë që ne nuk duam të bëjmë. Zoti duhet ta dijë nëse jemi gati për përgjegjësi të reja dhe për këtë arsye Zoti e teston besimin tonë. Nëse përdorim testet e Zotit në mënyrën e duhur, atëherë mësojmë nga rezultati i testeve të Zotit për veten tonë. Në këtë mënyrë, nëse kemi dështuar në një provë, ne mund të zbulojmë se çfarë bëmë gabim, dhe atëherë mund të korrigjojmë gabimet tona dhe përsëri të kualifikohemi për misionin që Zoti dëshiron të na japë. Nëse kaluam një test, atëherë mund të përgatitemi për testin e rradhës.
Të keni besim, kjo është përgjegjësia juaj, kjo është përgjegjësia ime. Ne duhet ta dëshmojmë besimin tonë përpara Zotit dhe Zoti mund ta dijë nëse kemi besim duke e vënë në provë besimin tonë. Nëse përballemi me këto teste në mënyrën e duhur, duke e ditur se përmes testeve Zoti dëshiron të na përgatisë dhe të na ndihmojë, atëherë ne mund të përparojmë në çdo situatë të jetës, pavarësisht nëse kemi kaluar ose kemi dështuar një provë besimi. Më e rëndësishmja është që të vazhdojmë t'i besojmë Zotit, e të mos mendojmë kurrë se qëllimet e Zotit nuk ishin aq të mira. Më e keqja në jetë është kur dështoni një provë dhe më pas filloni të fajësoni Zotin për gjithçka që ju ndodh. Gjithmonë ekziston një rrugë për t'u kthyer te Zoti. Zoti shpreson gjithmonë që ju të bëni atë që Zoti pret që ju të bëni. Prandaj, më e keqja nga të gjitha është nëse hiqni dorë nga besimi juaj tek Zoti dhe filloni të jetoni një jetë pa Zotin, duke u ndier të zhgënjyer nga Zoti dhe duke e urrejtur Zotin dhe duke mos e pëlqyer Zotin.
Komente
- Duhet të jeni i loguar ne llogarinë e Facebook-ut që të komentoni
